Human sa insidente nga pagkaigo sa kilat sa duha ka mga lalaki didto sa Canlumampao . dakbayan sa Toledo , lain na usab ang naigo sa kilat didto sa lungsod sa Balamban .
Ang uwahing biktima sa kilat usa ka mananagat nga nailhan sa pangan nga si Victor Sagrados Minque , 46 anyos ug molopyo sa Barangay Pundol sa maong lungsod.
Matud ni PO1 Benjie Mabunay sa Balamban Police Station, bag-o lang nahuman sa iyang pagpanagat si Minque ug nag-asikaso na sa iyang bangka sa daplin sa baybayon dihang kalit kining naigo sa kilat .
Nasaksihan kini sa usa ka sakop sa Bantay Dagat nga si Eduardo Parangan nga diha ra sa dool sa pagkahitabo .
Facebook Comments
