Dugo sa dugo, kinabuhi sa kinabuhi. Mao kana ang paglarawan sa kadaghanan nga daw kini ang usa sa pinakangitngit nga kasinatian sa Pilipinas nga dili na angay pang handumon ug balikan.
Tungod matud pa, niadtong panahona nibaha ang pagpangabuso sa kamot sa mga sundalo, daghan ang gipangprisong mga politiko, lider sa aktibistang grupo, mga estudyanteng nangulo, mga manunulat ug broadcaster nga ang uban gisakripisyo pa ang kinabuhi aron mapaglaban ang katungod sa pagkab-ot sa demokrasyang nasud.
Apan, aduna’y daghan sab ang nibarog nga maayo ang nahimong resulta sa Martial Law ug matud nila haruhay ang kinabuhi nila kaniadto sa mga baratong palaliton, aduna’y libreng mga gatas, pan o mas nailang nutribun ug yellow corn.
Usa ka Flor nga taga Davao del Norte kinsa nakaabot niini sa edad nga dose, misaysay sa iyang kaagi nga saunang panahon, nasuwayan niya nga mubaktas sa lawom nga gabii nga wala’y gikahadlukang mga rapist ug mga dautang tawo tungod sa seguridad nga gihatag sa administrasyon.
Karong adlawa, September 21, 2023, handumon ang ika-51 katuig sa Martial Law nga nahimo ng kabahin na sa history sa nasud.
RadyoMan Ivy Parido
