Kinahon-kahong smuggled cigarettes naharang sa Sirawan checkpoint

Davao City- Naa na karon sa disposisyon sa Bureau of Custom Southern Mindanao ang smuggled og kinahon-kahon nga ream sa mga sigarilyo kinsa naharang sa Sirawan Task Force Davao Checkpoint.

Karga sa usa ka pick-up ang nasampit nga smuggled cigarettes dihang giharang sa Task Force Davao uban ang Bureau of Customs Southern Mindanao Region gahapon adlawa.

Ang maong mga sigarilyo nga mukantidad tanan og 250 mil ka pesos ipasulod unta sa siyodad apan maayo nalang kay nadiskitahan kini sa BOC XI rason nakig-koordintae ang naasoy nga buhatan sa Task Force Davao aron maharang ug nakumpiska ang mga kontrabandos.

Nabulgar ang pagpalusot sa mga sigarilyo sa dakbayan dihang dunay unang nadakpan nianang buntag ang mga sakop sa Tf Davao sa Lacson Checkpoint smuggled cigarettes nga mukantidad sa 70 mil ka pesos.

Gidakop usab ang driver sa pick-up nga giilang si Lyndon Lumapas, 45 anyos, minyo, ug nagpuyo sa lungsod sa Matan-ao, Davao Del Sur kinsa siguradong mag-atubang og asunto gumikan sa pagdala og mga kontrabandos.

RadyoMaN Joel Viray