Kipot ang bibig sang mga pumuluyo sang Barangay Bakhaw, Mandurriao sa nangin kamatayon sang ila Punong Barangay nga si Remia Prevendido Gregori.
Ginkuhaan sang reaksyon sang RMN news team ang mga pumuluyo apang halos indi maghambal ang kadam-an sa mga ini angut sa natabu sa nasambit nga Punong Barangay.
Nahibaluan nga kaina sang hapon ginluthang-patay si Punong arangay Gregori sa Crystal beach resort nga ila napanag-iyahan sa barangay Igcadlum, San Joaquin, Iloilo kon sa diin nakaagum ini sang pito ka mga pilas sa iya lawas.
Samtang pilason man ang bana sini nga si Bonifacio Gregori nga nakaagum sang pilas sa tiil.
Wala pa matumod sang kapulisan ang suspek nga nagluthang sa nasambit nga barangay official.
Facebook Comments
