South Cotabato – temporaryo unang gisuspendi sa Department of Education-South Cotabato ang klase sa Tuburan Elementary School ug Pulong Subong Integrated School sa Barangay Ned, Lake Sebu, South Cotabato human sa nahitabong engkwnetro tali sa militar ug grupo sa NPA sa nasangpit nga lugar.
Sumala sa Deped South Cotabato nga tumong sa pag suspendi sa klase aron nga malikayan nga maipit sa engkwentro ang mga estudyante ug mga magtutudlo sa nasangpit nga lugar.
Dako ang pagpasalamat sa dep-ed nga walay nadamay nga mga estudyante ug magtutudlo atol sa engkwentro.
Kahinumduman nga 2 ka sundalo ang patay samtang pito usab ka mga supporters sa NPA ang nakabsan ug kinabuhi sa nahitabong engkwentro kaadlawon sa nakalabayng adlaw sa Barangay Ned Lake Sebu, South Cotabato.
