General Santos City–Anaa na matud pa sa syento porsyentong andam ang kondisyon karon ni fighting senator Manny “Pacman” Pacquiao sa iyang umaabot nga panagsangka batok kang Adrien Broner kung diin idepensa sa fighting senator ang iyahang titulo isip World Boxing Association (WBA) Welterweight champion sa umaabot nga Enero 20 sa MGM Grand Garden Arena sa Las Vegas, Nevada.
Gikumperma kini sa head coach ni Senator Pacquiao nga si Buboy Fernandez kung diin nahuman na niini ang 12 ka mga round nga sparring sa 3 niini ka sparmate ug na hinay-hinay na matud pa sila ug pagaan sa training sa pambansang kamao aron nga masiguro nga dili kini masubrahan ug bansay.
Lauman matud pa ang lagsik ug kusog nga Manny Pacquiao ibabaw sa ring kung diin buot usab makita ni Coach Buboy nga ipakita ni Senador Pacquiao ang iyang gipakita sa away niini batok kang Lucas Mathessy niadtong nakalabayng tuig.
Nasayran nga Knockout Win ang target sa Team Pacquiao batok kang Broner. (Dave Silagan)
