Nasa stable ng kondisyon at patuloy na nagre-recover sa isang pampublikong ospital si Kingdom of Jesus Christ (KOJC) founder Apollo Quiboloy matapos isinugod sa ospital dahil sa pneumonia.
Ayon kay Bureau of Jail Management and Penology (BJMP) spokesperson Jail Superintendent Jayrex Bustinera, nahirapan umanong huminga si Quiboloy kaya ito isinugod sa ospital noong Setyembre 11.
Kalaunan ay na-diagnose ito na mayroong Community Acquired Pneumonia (Moderate Risk).
Noong Setyembre 15 nang naglabas ng order ang Pasig court na nagpapahintulot para magpagamot ang church leader sa ospital.
Agad namang ipinagbigay alam sa Regional Trial Court 159 sa Pasig City na humahawak sa kaso ni Quiboloy kaugnay ng kondisyon ng pastor.
Si Quiboloy ay humaharap sa non-bailable qualified human trafficking charge sa ilalim ng Section 4(a) ng Anti-Trafficking in Persons Act of 2003 sa Pasig court.
