KOJC giklarong dunay gibasehan sa impormasyong nadawat nga bombahan ang ilang simbahan

Davao City – Gibarugan sa Kingdom of Jesus Christ (KOJC) nga wala silay intensyon nga muhatud og panic o kahadlok sa publiko human nga gibalita sa SMNI nga bombahan matud sa kapulisan ang simbahan sa KOJC sulod sa compound.

Sa presscon nga gipangunahan ni KOJC legal counsel Atty. Isralito Torreon kagahapon, August 28, 2024, iyahang gisaysay nga usa ka pulis ang mitawag sa abogado sab sa KOJC nga si Atty. Kaye Laurente kalabot sa pakignegosasyon sa kapulisan dala sa hulga nga bombahan ang KOJC cathedral sulod sa duha ka oras kung dili mo-surrender si Pastor Apollo Quiboloy.

Matud ni Torreon nga human siya gipahibalo ni Atty. Laurente, gilayon niya kining gi-verify kang PBGEN. Nicolas Torre III, Regional Director sa Police Regional Office (PRO)-XI kung tinuod ba kini, apan walay tubag gikan sa opisyal rason nga iyaha na lamang gi-post sa Facebook ang iyahang pangutana kang Torre, diin kini gibalita sab sa SMNI sa ilang social media platforms.

“There was reasonable ground to believe that this may be true, and that is why SMNI reported the matter. You could not fault us. There was no intent to misinform the public. It was a mere reaction on the part of Atty. Kaye Laurente, and on my part, I tried to verify it. Since was no verification hence there was news about it,” pagpaklaro sa KOJ legal counsel.

RadyoMaN Kirby Manzon