Gihatagan ug bili sa kapulisan sa iligan ang komunidad sa paglusad nila sa gitawag ug Security Alliance.
Kagahapong adlawa gilusad ang maong programa sa tumong nga mas mapalapdan pa ang gipatumang seguridad sa kapulisan pinaagi sa tabang sa komunidad.
Matud ni PNP Spokesperson Police Major Jovanie Cabusas nga lain-laing hugpong sa katilingban ang miyembro sa maong security alliance aron paghi-usa kanila nga makatabang sa pagmintinar sa maayong dagan sa kahusay ug kalinaw sa dakbayan sa iligan.
Adunay usa ka chat group sa social media ang mugna-on sa kapulisan ug didto tanan ang komunikasyon aron dali lang unya masuta kun adunay mga impormasyon nga angay nila aksyonan gikan sa komunidad.
Namugna ang maong kalihukan pinaagi sa kamandu-an sa ilang regional director sa kapulisan.
