Davao City – Mahinungdanon ang komunikasyon sa usa ka tawo nga dunay depresyon ilabina kung sakop lang sa pamilya tungod kay kung mawala kini moresulta kini sa pagpakamatay.
Sumala ni Febe Matthew, depression survivor ug focal person sa Parents Mobilization Action Group (PMAG), importante ang komunikasyon sa mga tawo nga dunay depresyon aron iyang mapasibaw o mapadayag ang iyang gibating problema aron matambagan sa iyang pagahimoon aron dili makahuna-huna sa pagkutlo sa iyang kinabuhi.
Giingon ni Matthew, usa sa hinungdan kung nganong magpakamatay ang usa ka tawo sama sa gihimo sa usa ka ginang nga milukso gikan sa ikaupat nga andana sa mall sa kaulohan tungod kay wala na siyay nakitang solusyon sa iyang gihambing nga problema.
Nakitang hinungdan ni Matthew kung nganong magpakamatay ang usa ka tawo, aron matapos na ang iyang problema.
Giingon niya kini na gayud ang moabot sa huna-huna sa usa ka tawo nga nagsagubang sa mga problema ilabina kung dili siya matabangan, maiistoryahan ug magiyahan.
RadyoMaN Bernard Pantallon
