Midsalip,Zamboanga del Sur – Insakto tulo ka bulan human nakatagamtam ug nakahangab sa prisko nga hangin ang usa ka mag-uuma nga konbiktado sa kasong homicide nga nakagawas sa prisohan dihang nakabinepisyo sa Good Conduct Time Allowance kun GCTA nibalik kini sa prisohan.
Kagahapon boluntaryo nga nitahan sa Midsalip Municipal Police Station si NOLI BARORO, 52 -anyos, mag-uuma ug residente sa Purok 5, Barangay Cumaron, Midsalip, Zamboanga del Sur.
Si Baroro, gisentensyahan ug konbiktado niadtong Mayo 9, 2018 sa RTC 9, Branch 30, Aurora Zamboanga del Sur ug gibalhog sa San Ramon Prison and Penal Farm Zamboanga City apan niadtong Hunyo 18, 2019 gibuhian kini sa Bureau of Corrections kay benipisyaryo sa GCTA.
Gikostodiya karon sa Midsalip MPS si Baroro samtang nagpa-abot nga dalhon pagbalik sa Zamboanga City.
