Davao City- Padayon pang ginapangita ang usa ka lalaking nalumos sa sapa human sumala pa nagpaguyod sa bangka sa may Magallanes ning syudad sa Davao.
Sa interview sa DXDC RMN Davao team sa operator sa bangka nga si Warlito Diaz atol sa programang Kuskos Batikos, gisaysay niini nga samtang padulong sila sa Magallanes Riverside gikan sa SIR Matina alas 4:15 kaganinang hapon, nagpaguyod sa bangka ang nalumos nga lalaki nga giilang si Arnel Villamor, 21 anyos, single, nagpuyo sa SIR Matina, lumad sa Kapalong, Davao del norte ang maong batan-on gani usa pud kini ka pilot kun konduktor sa bangka sa Magallanes.
Dugang ni Diaz, gibadlong nila daan si Villamor nga dili magpaguyod tungod kusog ang current sa tubig apan wala nagpatuo sumala pa ang batan-on.
Sa dihang i-rescue na unta ang maong lalaki sa usa pa ka bangka, nagbangga sumala pa ang duha ka bangka ug gituuhang naigo sa sabad o pala sa bangka ang biktima hinungdan nga nabuhian kini ug hangtod karon wala pa makit-i.
RadyoMaN Don Pulayao
