Nagbabala si Stratbase Institute President Victor Andres “Dindo” Manhit na ang Konektadong Pinoy Bill kapag naisabatas sa kasalukuyang anyo nito ay maaaring magbukas ng pintuan sa foreign surveillance, digital exploitation, at algorithmic manipulation na nagbabanta sa pambansang soberanya ng bansa.
Bagama’t ang bill ay naglalayong palawakin ang digital access at connectivity sa buong bansa, nagbabala si Manhit na kung walang nakapaloob na cybersecurity at data privacy guardrails, ang panukala ay maaaring magsilbing daan para sa masamang impluwensiyang banyaga, lalo na mula sa mga kaalyado ng mga naratibong pro-China.
“The Konektadong Pinoy Bill, in its currenr form, lacks the critical safeguards to ensure that connectivity does not come at the expense of national security,” sabi ni Manhit.
“We cannot trade convenience for control. Without robust digital protections, we are risking mass exposure to surveillance, manipulation, and foreign interference,” pagbibigay-diin pa niya.
Sa kanyang pagsasalita sa 4th Civil-Military Operations forum na inorganisa ng Armed Forces of the Philippines, si Manhit ay nagbigay ng isang presentation na may titulong “Democracies in the Age of Disinformation and Misinformation,” na nagbibigay-diin sa kung paanong ang digital infrastructure, kapag kulang sa proteksiyon, ay nagiging isang
‘double-edged sword’.
Ipinaliwanag niya na ang cyber threats ngayon ay lagpas pa sa simpleng data breaches o technical glitches – ang mga ito ay mga kasangkapan na ngayon ng makabagong digmaan.
“Cybersecurity is no longer just a technical concern; it is a fundamental pillar of our national security,” sabi ni Manhit, idinagdag na “unchecked digital manipulation, algorithm-driven deception, and cyber intrusions are now instruments of geopolitical aggression – and we must treat them as such.”
May temang “5th Generation Warfare: A War of Information and Perception: Securing Minds, Societies, and Sovereignty,” tinalakay sa forum ang umuusbong na landscape ng hybrid threats, kung saan ang impormasyon – at ang manipulasyon nito – ay nagiging parehong labanan at sandata.
Sinabi ni Manhit na ang Pilipinas ay lalong nagiging mahina sa tinawag niyang “shadow war” na nilalabanan sa cyberspace. Binanggit niya ang mga ebidensiya ng magkakaugnay na disinformation networks, digital influence operations, at foreign-funded propaganda efforts- na lalong naging aktibo noong mga nakaraang eleksiyon — na naglalayong ang pampublikong diskurso, maghasik ng pagdududa, at pahinain ang mga demokratikong institusyon
“Our digital vulnerabilities are being exploited to undermine advocacies in the West Philippine Sea and silence defenders of democracy,” wika ni Manhit, pinatutungkulan ang naunang Stratbase reports sapro-China information operations.
Iginiit niya na hindi dapat madaliin ang pagpasa sa Konektadong Pinoy Bill. “A bill this far-reaching should not be blind to the geopolitical context in which we operate. If it lacks cybersecurity protocols and user data protection, it becomes a Trojan horse for adversarial state actors.”
Hinikayat ni Manhit ang Kongreso na masusing repasuhin ang istruktura ng bill at magpatupad ng mahigpit na cybersecurity standards, transparency measures, at accountability mechanisms. “Connecting citizens must not mean exposing them to surveillance. Anything less is a threat to our sovereignty,” aniya.
Upang malabanan ang mga panganib na ito, inirekomenda rin niya ang pagpapatupad ng isang whole-of-society approach, kabilang ang:
• Fact-based counter-disinformation campaigns
• Evidence-driven public communication strategies
• Grassroots digital literacy programs
• Regular cybersecurity audits at red teaming
• Strategic partnerships sa mga pinagkakatiwalaang democratic allies
