Duha ka konsabo sa usa ka mahuyang nga nisuway pagpalusot ug mga nubain sa Cebu City Jail gamit ang iyang sampot , nadakpan usab sa follow-up operation sa kapolisan.
Ang unang suspek nga si April Jay Ajoc, 25 anyos nitug-an sa Guadalupe Police Station nga gawas niya aduna siya`y duha ka kakonsabo sa modus nga nagpuyo ra sa usab sa Barangay Kalunasan , diin nahimutang ang city jail .
Matud sa hepe sa Guadalupe Police Station nga si Senior Inspector Edward Sanchez nangita dayon sila sa mga kakonsabo ni Ajoc ug nadakpan sila si Anthony Brian Vargas, 40 anyos ug ang bayaw niini nga si Rachel Vargas alyas Jennifer .
Ang city jail nakadawat ug intelligence report nga dili na mga babaye ang mopalusot ug drugas sa bilangguan pinaagi sa pagpasok sa ilang kinatawo , kung di mahuyang na usab sama sa nasakpan nga si Ajoc.
