Walay nakita nga problema si City Councilor Renato “Titin”Ancis sa gihimo sa Bids and Awards Committee o (BAC) nga gipa-ubsan og P29 Millones pesos ang presyo sa bulldozer ug uban pang mga heavy equipments nga paliton sa kagamhanang lokal gamit ang salapi nga utangon ngadto sa Development Bank of the Philippines o (DBP).
Si Konsehal Ancis kinsa maoy Chairman sa Committee on Infrastructure sa konseho mibutyag nga walay kalabutan sa mga presyo sa heavy equipments ang konseho ug wala sila masayod kon dako ang gigahin alang sa pagpalit sa mga heavy equipments.
Gipasalig usab ni Ancis nga dili basta-basta nga ipalusot sa konseho ang pangayo-on nga otoridad sa ehekutibo diha sa pagbayad sa kahimanan nga gikinahanglan sa syudad.
Facebook Comments
