Konsehal Baluran: ‘lawmakers are not lawbreakers’

Davao City- Dili gyud dapat law breakers ang mga lawmakers.

Kini ang pamahayag ni Davao City Councilor ug Committee of Transportation chair Conrado Baluran atol sa interbyu sa DXDC RMN Davao bahin sa gipangayo nga konsiderasyon ni Ilocos Norte Representative Rodolfo Fariñas sa Metropolitan Manila Development Authority (MMDA) nga hatagan ang lawmakers kun mga kongresista og “parliamentary immunity” gikan sa minor traffic violations og padulong sila sa session aron malikayan sa mga kongresista ang late nga pagsulod sa session diin nag-unang rason sumala pa sa uban mao ang bug-at nga trapiko sa kadalanan.

Bisan pa man gisuygyot ni Fariñas nga balikan lang sa mga kongresista human sa session og naa may bayolasyon, alang kang Konsehal Baluran, dili siya uyon tungod kinahanglan mahimong usa ka ehemplo sa katawhan ang mga mihimo sa balaud.

“Dili na tama, that’s an abuse of authority, kinahanglan kung ikaw ang congressman, lawmaker ka dapat dili ka lawbreaker,” sigun ni Baluran.

Sa karon, ginahulat pa sa MMDA ang pinal nga desisyon gikan sa Metro Manila Council (MMC) kabahin sa nasangpit nga isyu.

RadyoMan Renz Barbarona