Iligan City – Mi-apela si City Councilor Rosevi Quenie Belmonte ngadto sa Chairman sa Committee on Health sa hawanan sa konseho nga unta himo-ong matag adlaw ang paghatag ug update sa katawhan labot sa Corona Virus Disease o COVID 19 dinhi sa Iligan.
Kini aron mahibalo ang kadaghanang iliganon labot sa tinuod nga nahitabo sa atung syudad sa higustanan niining gikahadlokan karon nga virus.
Matud ni konsehal Belmonte, nga dili lang limitahan ang paghatag ug impormasyon sa usa lang ka istasyon sa radyo o sa usa lang ka facebook account.
Tuyo niini nga masabtan gayud sa katawhang iliganon kun unsa gayud ang anaa sa PUM ug PUI tungod kay ang bisan ang term nga local transmission daghan pa ang wala masayod niini.
Malaumon si Belmonte nga pinaagi sa iyang hangyo malamdagan na unya ang katawhan sa Iligan sa matag adlaw nga updates kabahin sa COVID 19.(Ghiner L. Cabanday, RMN Iligan)
