Konsehal Belmonte mipaklarong dili pagsamok-samok ang ilang papel sa konseho, pahayag ni Vice Mayor Vera Cruz nga maghiusa sila iyang gidayeg.

30

Iligan City – Gipaklaro ni City Councilor Rosevi Quennie Belmonte nga dili pagsamok-samok ang ilang mamahimong papel isip gitawag nga mga minority councilors sa 17th Council.

Gibutyag ni konsehal Belmonte nga magpabilin ang ilang pagbantay ug pagsaway sa ilang mga kaubanan kun aduna kini hiwi nga binuhatan isip anaa kini sa gawasnon nga nasud.


Pabilin usab matud pa ang ilang ihatag nga suporta ngadto sa ilang mga kauban sa pagpanday ug mga balaodnon ilabi na ngadto ni Vice Mayor Jemar Vera Cruz.

Isip pinili sila sa katawhang iliganon sama sa gisaad ni Belmonte ngadto sa katawhan magpadayon ang iyang serbisyo o pagpangalagad ngadto kanila.

Gani mapasalamaton si Belmonte tungod sa gihatag nga komitiba ngadto kaniya ug sa iyang mga kaubanan.

Gidayeg usab ni Belmonte ang pahayag ni Vice Mayor Vera Cruz nga pag-abot sa ilang mga trabaho sulod sa konseho walay majority ug minority apan patas silang tanan.(Ghiner L. Cabanday, RMN Iligan)

Facebook Comments

From Advertisers