Gipangunahan ni City Councilor Rosevi Quennie Belmonte ang pagbukas sa pila ka adlaw nga photo exhibit sa Atrium Robinsons Mall karong hapon.
Gikan ang maong mga hinimo nga paintings sa mga bata kun asa mipailalom sa summer painting workshop sa pagpangulo ni Tambacan Barangay Kagawad Aladin Ali.
Sa iyang mensahe, daku ang pasalamat ni Belmonte sa matag tuig nga painting workshop ni kagawad Ali tungod daku kaayo kini ug tabang sa mga kabataan sa paghasa pa sa ilang talent ilabi na sa pag-drawing.
Gani, mapasalamaton ug daku si Belmonte tungod sa matag higayon anaa kanunay ang iyang paghatag ug suporta sa kabataan ilabi na sa susamang mga kalihukan tungod daku iyang pagtoo nga silang mga kabataan mao’y paglaum sa atung nasud.
Gipanghinaut ni Belmonte nga molungtad pa sa pila ka katuigan ang programang Galing Sining ni kagawad Ali aron daghan sa mga kabataan ang ma-enganyo pa sa pagpagawas sa ilang talent pinaagi sa bisan unsa man nga obra.(Ghiner L. Cabanday, RMN-Iligan)
