Davao City- Nadismaya si Councilor Tek Ocampo, chairperson sa City Council Committee on Environment and Natural Resources human masayri nga gipamutol ang daghang mga kahoy nga gitanom sa Upper Kibalang Brgy. Marilog Proper ning syudad.
Gibutyag sa konseho nga ang maong kahoy gitanom aron mapugngan ang mahitabong lanslide sa lugar.
Nangunay mismo kini sa pagimbestiga ug pagsuta sa area diin aduna nay gisugda’g tukod nga eskwelahan nga ang maong lugar.
Giklaro ni Ocampo nga dili siya babag sa mga proyekto apan siya mismo nahibulong nganong wala man lang nasayod ang lokal nga gobyerno sa nasangpit nga development.
Gipaabot niini ang report sa Mines and Geo-sciences Bureau (MGB) kansang nagbutyag nga ang maong lugar highly susceptible sa landslide.
Gibutyag sa konsehal nga magpatawag kini’g committee hearing diin anaa usab ang barangay, Department of Public Works and Highways, City Engineers Office ug uban pang concerned nga mga opisina.
RadyoMaN Aimee Guinita
Facebook Comments
