Konsehal Ian Mark Nacaya, miangkon nga iyang driver kaniadto ang trabahante sa cityhall nga nadakpan sa buy bust operation

45

Gi-angkon ni konsihal Ian Mark Nacaya, nga iyang driver kaniadto ang usa ka empeyado sa city Public Services office sa City hall, nga si Jeofrey Siera, nga nadakpan sa drug buy bust operation sa Carmen Police station of PDEA, niadtong milabay nga simana.

Matud ni Nacaya, nga mikabat sa usa ka tuig nga iyang driver si Siera, nga gi-detail sa iyang opisina sa city council, gikan sa City Public General Services office.

Apan matud ni Nacaya, nga niadtong September sa milabay nga tuig, gi-recall si Siera sa CPSO, ug ang maong driver iyang gipabalik sa iyang na-andan nga trabaho isip Metro aid sa City public General Services office.

Matud ni Nacaya, nga sa dihang iya pang driver si Siera, walay iyang namatikdan nga illegal act sa maong suspect.

Sa iyang komentaryo, gipasabot ni Nacaya, nga atobangon gayud ni sierra ang iyang kaso.

Ugmang adlawa si sierra gikatada nga pasakaan nag kasong violation sa RA. 9165, human nadakpan niadtong Friday nga nagbaligya sa illegal drugs sa J.R. Borja street ning syudad sa Cagayan de Oro.

Ang maong suspect, gi-detain sa Maharlika, ug nagpa-abot sa kaso nga ipasaka batok kaniya.

Facebook Comments