Bukas si City Councilor Petronilo Pardillo, ang chairman sa committee on finance sa hawanan sa konseho sa paghimo ug imbestigasyon batok sa alegasyon sa overpriced nga pagpamalit ug bugas sa kagamhanang lokal aron ihatag nga ayuda sa katawhan niining pandemya karon sa COVID 19.
Matud ni Pardillo, angayan lamang mohimo sila ug imbestigasyon niini aron masayod ang katawhan sa kamatu-oran sa gipamalit sa syudad sama sa mga bugas sa niingon niini nga adunay kalamidad.
Gipaklaro usab ni Pardillo nga wala siya masayod sa giingong supplier sa bugas nga JH2 General Merchandize tungod wala sila mangilabot sa dagan sa Bids and Awards Committee o BAC.
Dugang ni Pardillo, nga kamatuoran sa wala nila pagpanghilabot sa BAC bisan usa nila ka konsehal walay miyembro niini tungod dili nila boot malambigit sa bisan unsa mang gipang-award nga proyekto ug ipang-purchase nga butang sa kagamhanang lokal.
