Dimataling, Zamboanga del Sur –
Gituohan nga redo sa pamilya ang motibo sa ulahing insidente sa pagpamusil nga nahitabo kagabii sa Poblacioan, Dimataling, Zamboanga del Sur nga gikamatay sa usa ka konsehal sa barangay.
Giila ang biktima nga si Arao Bongga, konsehal sa maong barangay diin maoy naghupot sa komitiba sa peace and order ug residente sa purok 9 sa nahisgutan nga lugar.
Sa inisyal nga imbestigasyon sa kapulisan samtang nagtan-aw og salida sa telebisyon sulod sa iyang pinuy-anan ang biktima kalit nga nibutho ang wala mailing mga suspek og gipusil ang biktima gamit ag M16 rifle base sa mga basiyo sa bala nga nakuha sa dapit nahitabuan.
Naglusad na og manhunt operation ang kapulisan sa Dimataling alang sa posible nga pagsikop sa mga suspek nga niikyas human sa hitabo paingon sa purok 7, Poblacion, Dimataling.
