Davao City – Patay ang usa ka helper human nalambigit sa aksidente sa may Saint Vincent corner Saint Giles Street Solariega Subdivision, Talomo ning syudad bandang alas 5:40 sa buntag.
Sa report sa Talomo PNP, giila ang biktima nga usa ka Mary Ann Babor Alana, 28 anyos ug residente sa nanangpit nga lugar samtang ang driver sa pick up giila nga usa ka Jemaika Maulingan Balante, 26 anyos ug municipal councilor sa Caraga, Davao Oriental ug residente sa Barangay San Pedro Caraga, Davao Oriental.
Sa inisyal nga imbestigasyon, naglawig sa may Saint Giles ang pick up sa dihang pagbalhin og direksyon niini patuo, naigo niini ang biktima nga nagtindog atbang sa balay.
Gidala pa sa balay tambalanan ang biktima apan deklarado na kining dead on arrival samtang ang nakabangga gidala sa Talomo PNP alan sa angay nga disposisyon.
RadyoMaN Renz Barbarona
