Davao City – Tungod sa kasong kriminal nga gipasaka batok nila Barangay 10-A Poblacion Barangay Captain Mark Cayetano ug Kagawad Romeo Mamuntayaw, dili na una mopahigayon og imbestigasyon ang Chair sa Committee on Rules, Privileges, Laws and Ordinances sa 19th City Council.
Matud ni Councilor J Melchor Quitain, Chair sa Committee on Rules, Privileges, Laws and Ordinances, adto i-file ang kaso batok sa nasangpit nga mga barangay officials sa Ombudsman for Mindanao.
Gipasabot ni Quitain, kung administratibo ang maong kaso adunay himoong pagdungog sa Committee on Ethics.
Gitataw ni Quitain, hatagaan og higayon sila Cayetano ug Mamuntayaw, aron depensahan ang ilang kaugalingon batok sa maong pasangil.
“Kung naa sya’y valid defense, defend yourself kay we do not know the real story man gyod, we do not know score. Everybody is presume innocent until proven otherwise. This is his opportunity nga i-clear niya iyahang pangalan,” matud ni Quitain.
Suspension o posebling matangtang sa posisyon , ang silot kung mapamatud-an sa maong salaod.
RadyoMaN Aimee Guinita
