Davao City – Dili pa ma-account sa syudad kung pila ka mga bata ang nabakunahan niining anti-dengue vaccine nga makahatag ug ka delikado sa kinabuhi sa bata nga nabakunahan.
Apan dili maseguro ni Davao City 3rd District Councilor majority floor leader Bernard Al-ag kung pila ka mga bata ang nabakunahan niini tungod kay wala mahinayon sa Davao ang paglusad niini sa dihang nasayran nga mopapili pagkapresidente si pangulong Rodrigo Duterte niadtong tuig 2016.
Nanawagan si Al-ag sa mga Dabawenyo nga dili mabalaka sanglit ila karong ginasusi pinaagi sa Committee on Health sa konseho kung pila gayud ka mga bata ang nabakunahan aron mahatagan sila ug ensaktong impormasyon.
Hinoon giklaro sa City Health Office (CHO) head Dr. Josephine Villafuerte nga ang Davao wala mahatagi niini nga bakuna tungod kay ang giuna kadtong mga lugar nga tag-as ang kaso sa dengue.
Dungan niin gipasabot usab ni Villafuerte nga ang dosage niini molungtad sa unom ka bulan ug segurohon nga dili mapaangkan sa lamok nga dunay dengue sulod sa unom ka bulan, apan kung mapaakan mamahimo siyang delikado.
RayoMaN Bernard Pantallon
