Napu ka mga desktop computers ang gidonar sa Konsulado sa People`s Republic of China ngadto sa lokal nga kagamhanan .
Ang Consulate General sa China dinhi sa Sugbu nga si Jia Li maoy nagtunol sa donasyong mga computers nga gidawat usab ni Cebu City Councilor Sisinio Andales ang deputy mayor for Labor, Employmentr and Livelihood sa kagamhanan sa syudad sa Sugbu .
Ang mga computers ihatag ngadto sa Department of Manpower Placement and Development (DMDP) aron magamit usab sa libring computer courses niini.
Samtang sa pikas bahin gipasalig ni Consul Li nga mas palig-onon pa niini relasyon sa China ug Pilipinas .
Matud ni Li sa mubo nga panahon gikan sa iyang pag-abot sa Sugbu ,iyang nakita ang kamahinungdanon sa lig-ong relasyon sa mga lokal nga kagamhanan ug sa mga opisyales alang sa mas pagpalig-on pa ug kooperasyon sa Pilipinas ug China.
Ang malamboong relasyon sa duha ka mga nasud makita usab padayong pagtaas sa gidaghanon sa mga Chinese tourists nga niduaw sa Pilipinas sa niaging tulo ka tuig . Sa Sugbu ug ubang bahin sa Kabisay-an madanihon sa mga Chinese nationals ang mga beaches , kabukiran , heritage sites ug ubang tourist spots .
Gawas niini ubay-ubay na usab ang mga Sugbuanon ug ubang indibiduwal gikan sa rehiyon nga nakapahimos sa mga training nga gihatag sa lain-laing organisasyon didto sa China sa nanglabay`ng katuigan.
Si Consul Li kanhi nadestino sa Chinese Embassy sa Bulgaria, Macedonia ug Yugoslavia sa wa pa kini maabot sa Sugbu.
