Konsumidor han tubig ha Leyte, nagreklamo han kawarayan ngan mahinay nga awas

219

TACLOBAN CITY – Nanreklamo an pira nga taga kunsumo han tubig ha Tacloban, Palo, Tanauan, Tolosa, Dagami ngan Tabon-tabon tungod han kawarayan awas hiton tubig ha ira gripo. An iba nadedelatar an ira pagsulod ha trabaho o ha eskwelahan durot hini nga problema.

Sanglit, nagpagawas hin official statement an Leyte Metropolitan Water District hini nga nahihinabo. Basi han public notice han buhatan, mayada mga diri otorisado nga mga tawo nga nagmamanipula hiton operasyon han water district, may mga nambibirik daw nga mga tawo hiton balbula han LMWD.


Ginpanhimuwa naman ini han nagkakapot hin tubig ha Leyte Academic Center, sumala han usa nga engineer ha LAC, kilala nira kun hin-o an mga tawo nga nagpapaluyo hini nga kawarayan ngan mahinay nga awash in tubig nga nasusuplayan han LMWD.

“Nakita namon ito dida han ira facebook, nagpost hira, karuyag sidngon kilala namon kun hino an nakadto.”

Pero han hadi nga interview han RMN ha LMWD, ini in pag-inspeksyon ha mga balbula han buhatan kun hain gud it problema kun kayano mahinay iton awas hin tubig ha pira nga parte han Tacloban.

Ha mga txt nga ginpadara han mga taga konsumo han tubig nganhi ha istasyon han RMN, naglalaom hira nga matapos na unta ini nga tensyon ha water district ngan matagan hira hin maupay nga serbisyo kay iton nagsasakripisyo an mgakonsumidor han tubig.



Facebook Comments