Davao City – Usa ka pagpaila ug pagpanghasi sa mga tawo ang ginahimo sa grupo sa mga terorista aron ipahibalo nga anaa sila sa maong mga lugar aron maghimo og kasamok.
Kini usa sa senaryong gilantaw karon sa 10th Infantry Division-Philippine Army sa natigayong pagpamomba sa Isulan Sultan Kudarat, Midsayap North Cotabato ug Gen. Santos City.
Sumala ni Capt. Jerry Lamosao, 10th ID spokesperson, gihimo kini sa maong grupo tungod kay dunay tumong sama sa pagpangdagit ug uban pang kadaut nga himoon.
Gipasabot ni Lamosao nga ang kampanya batok terorismo responsibilidad kini sa tanan aron dili malutsan, kinahanglan ang katawhan o civilian motabang sa pagbantay ug mahimong alerto pinaagi sa pagreport sa kapolisan ug kasundalohan sa mga kadudahang tawo sa ilang lugar ug mga butang nga ibilin.
RadyoMaN Bernard Pantallon
