Gi-angkon ni City Administrator Atty. Leo Zaragoza nga palpak ang kontraktor nga nagtrabaho sa temporaryo nga merkado diha sa may IBJT North Bound.
Kini human mitulo man ang kusog nga tubig sa pipila ka mga atop sa bahin sa maong merkado niadtung domingo sa hapon kun asa mibundak ang makusog nga ulan.
Matud ni Zaragoza nga kun insakto pa ang mga engineers nga nagplano sa maong gambalay masuta na nilang daan ang mga problema niini.
Apan subo kay hangtud karon nga ipabalhin na ang mga vendors sa maong merkado aduna pa gihapoy pipila ka problema ang lugar nga ilang balhinan.
Naningkamot ang RMN Iligan sa pagkuha sa panig sa kontraktor sa maong temporaryo nga merkado apan walay bisan usa kanila nga mihatag ug tubag.
Facebook Comments
