Iligan City – Midepensa si Abuno Barangay Kapitan Mario Demecillo sa kontraktor nga mi-trabaho sa submarine bridge nga nagkutay sa zone 1 ug 10 sa maong barangay.
Gibutyag ni Demecillo nga dili substandard ang materyales nga gigamit sa paghimo sa maong submarine bridge tungod pulido man ang tibuok niini nga instraktura.
Kini tungod hitsas man ang kabilya ug semento sa pagtukod sa tulay sukwahi sa migawas nga alegasyon sa katawhan nga gibinuangan lamang kini sa pag-trabaho.
Gani dugang ni Demecillo gamay lang ang 2.5 million pesos nga budget alang sa pagtukod sa submarine bridge.
Papaspasan ni Demecillo sa pag-trabaho ug balik ang nagubang bahin sa submarine bridge aron magamit ug balik sa katawhan sa nasangpit nga barangay. (Ghiner L. Cabanday, RMN-DXIC Iligan)
