Davao City-Nalipay ang usa ka police auxiliary human nadungog ang balita nga i-renew ang ilang kontrata sa Enero 2018.
Sa interbyu sa DXDC RMN Davao kang police auxiliary Nolvin Santander, 20 anyos, residente sa Matina ning siyudad og nadesignar sa UM Matina Police Outpost, gisulti niini nga dako og tabang alang kaniya og malugway ang ilang kontrata diin makatabang kini sa iyang pinansyal nga panginahanglanon ilabi na nga estudyante pa kini.
Dugang ni Santander, gawas nga makatabang sa iyaha, makunhuran usab ang mga dabawenyong walay trabaho diin dili pa mangita og laing trabaho ang mga police auxiliaries.
Kahinumduman nga kaniadtong September 12, adlawng martes, nagpahigayon og Press Conference si Davao City Mayor Inday Sara Duterte-Carpio human sa iyang State of the City Address (SOCA) nga gipahigayon sa Davao City Council, gibutyag sa Mayor nga i-renew ang kontrata sa mga police auxiliaries sa Enero 2018.
“The contracts of police auxiliaries will last until December 31, 2017 and set to be renewed on January 2018,” sigun ni Mayor Inday.
Dugang sa Mayor, usa kini sa mga proyekto nga nakita niya nga nahimong epektibo alang sa Davao City Police Office (DCPO).
Kasamang Renz Barbarona
