Davao City – Nanghinaut ang Philippine Statistics Authority o PSA XI nga hatagan og pagtagad sa mga residente ang ginapahigayong geo-tagging sa mga buildings ingon man ang himuong Labor Force Survey.
Sa pakighinabi ni RadyoMaN Misel Miral-Galve sa Serbisyong Straight to the Point kang Randolph Gales Chief Statistical Specialist sa PSA Davao, gibutyag ni Gales nga nagpadayon ang geo-tagging sa mga establishemento sa Davao City ug sa Davao del Sur sa tumong nga pag abot sa census ug population, naka digital na ang mapa ug ang mga posibleng landmarks busa gihangyo niini ang kooperasyon sa katawhan.
Dugang pa nga alang usab sa Labor Force Survey nga himuon sugod karong Abril 8, 2019 diin mudagan kini og usa ka bulan, nanghinaut ang PSA-XI nga padayunon sa mga residente sa sample barangays ang mga enumerators aron makapahigayon og survey diin matud pa dinhi nga survey mahibaluan ang employment ug unemployment rate sa nasud.
RadyoMaN Renz Barbarona
