Davao City – Kooperasyon ug pakig-alayon sa mga residente diha sa barangay ang gikinahanglan sama sa pagtunol ug mga impormasyon ngadto sa awtoridad kun ugaling adunay makitang riding-in-tandem nga kaduda-dudahang lihok.
Sumala ni Brgy. Kapitan Remedios Dela Luz, bag-ong napiling barangay kapitan sa Brgy. Duterte R. Castillo, Agdao ning dakbayan sa Davao, dapat dunay partisipasyon ang katawhan diha sa barangay sama sa pagtabang sa mga police ug pinaagi niini usa ka pinaka-epektibong solusyon sa mga nagapanghitabo nga insidenteng kriminalidad aron pagsumpo sa mga modus operandi nga riding-in-tandem.
Gipasabot ni Kapitan Dela Luz nga dili mosalir ang pagmugna sa anti-motorcycle riding suspect kun MRS team usa lang sa makatang apan ang maayo nga pamaagi mao ang pagtinabangay sa pagtabang gikan sa katawhan.
Giklaro ni Kapitan Dela Luz nga dili maayo nga sundogon ang ubang lokalidad nga nagpatuman sa anti-crime strategy sa atong nasudnong kapolisan kun dili magmugna og laing istratehiya nga ipatuman ning dakbayan.
Apan alang kang Brgy. Captain Lita Empis ang bag-o usab nga kapitan sa Brgy. Leon Garcia ningdakbayan sa Davao nga tuodo suporta siya kun unsa nga mga pamaagi ang ipatuman lakip na ang MRS kun Motorcycle Riding Suspect.
RadyoMaN Don Pulayao
