General Santos City—Kooperasyon sa tanang sektor ang gikinahanglan aron nga mapabilin ang kalinaw sa tibuok rehiyon.
Sumala kang Police Superintendent Aldrin Gonzales, tigpamaba sa Police Regional Office 12 nga labing gikinahanglan gyud sa kapulisan ang tabang sa katawhan hilabi na sa mga pampublikong lugar ug mga pampublikong sakyanan.
Higayon matud pa nga adunay mga makaduhang butang o tawo nga musakay, mas maayong ipaabot ngadto sa otoridad.
Dugang pamahayag ni Supt. Gonzales nga pinaka-epektibong pangontra gyud sa terorismo mao ang pagtinabangay sa tanan.
Pag-angkon niya nga kung kapulisan lang ug militar ang saligan sa pagbantay sa seguridad, aduna gyuāy posibilidad nga sila malutsan.
Ang maong pamahayag ang may kalabutan sa pagkarekober sa bomba nga gisakay sa usa ka pampasaheruan nga van gikan Isulan padulong Maguindanao.(Lore Romualdo)
