Kooperasyon ang gipangayu sa bag-ong Regional Director sa Police Regional Office 13 aron makab-ot ang kalampusan sa pagpabiling malinawon ug luwas nga rehiyon sa Caraga. Kini ang sentro sa mensahe ni PCSupt. Noli Romana, sa iyang paglingkod isip bag-ong Reg’l Director sa PNP Caraga. Nakita niya ang mga kalampusan nga nabuhat sa kanhi Regional Director tungod sa suporta sa tibook tropa sa kapulisan butang nga iya usab gilauman ang susamang hugot nga kooperasyon sa iyang liderato. Nagpasidaan si PCSupt. Romana nga lauman sa tropa sa PNP ang mas taas nga oras sa trabaho apan nagdasig kini nga angay ipasigarbo ang trabaho nga nakatabang sa nasud. Gipaklaru usab sa opisyal ang ka-importanti sa maayung relasyon sa kapulisan diha sa komunidad dungan sa pahinumdum nga gitutukan karon sa liderato sa PNP ang paglimpyo usab sa ilang han-ay. Si PCSupt. Noli Romana, bag-ong Reg’l Director sa PRO 13 sa iyang mensahe kagahapon. Sent from my Samsung Galaxy smartphone.
