CAUAYAN CITY – NAGBABALA ANG PAMUNUAN NG ISABELA ELECTRIC COOPERATIVE II (ISELCO II) NA HANDA SILANG MAGSAMPA NG KASO LABAN SA MGA INDIBIDWAL NA PATULOY NA BUMABATIKOS AT NANINIRA SA KANILANG AHENSYA SA SOCIAL MEDIA.
AYON KAY SHERWIN A. BALLOGA, BOARD CHAIRMAN NG ISELCO II, MAY KARAPATAN SILANG MAGSAGAWA NG LEGAL NA AKSYON UPANG IPAGTANGGOL ANG KANILANG REPUTASYON AT OPERASYON LABAN SA MALING AKUSASYON AT MAPANIRANG PAHAYAG.
IGINIIT NG KOOPERATIBA NA HINDI NILA HAHAYAANG BASTUSIN ANG KANILANG ORGANISASYON, LALO NA’T GINAGAWA NILA ANG LAHAT NG MAKAKAYA PARA MAIBALIK AT MA-ENERGIZE ANG POWER SUPPLY SA MGA LUGAR NA APEKTADO NG POWER INTERRUPTION.
ANILA, HINDI PATAS ANG WALANG BASEHANG BATIKOS SA GITNA NG KANILANG PAGSISIKAP NA MARESOLBA ANG PROBLEMA.
PANUORIN ANG KANYANG NAGING PAHAYAG: CLICK HERE!
BINANGGIT DIN NG PAMUNUAN NA 24 ORAS NA NAGTATRABAHO ANG KANILANG MGA LINEMAN UPANG MASIGURONG MAIBALIK ANG KURYENTE SA LALONG MADALING PANAHON.
SA KABILA NG HIRAP AT PANGANIB NA DULOT NG KANILANG TRABAHO, PATULOY SILANG NAGLILINGKOD SA KOMUNIDAD UPANG MATUGUNAN ANG PANGANGAILANGAN NG MGA MIYEMBRO AT KONSYUMER.
HINIKAYAT DIN NILA ANG LAHAT NA IDULOG SA TAMANG PARAAN ANG ANUMANG REKLAMO O SUHESTIYON SA HALIP NA MAGLABAS NG MAPANIRANG PAHAYAG SA SOCIAL MEDIA NA MAAARING MAGDULOT NG MALING IMPRESYON AT SIGALOT SA KOMUNIDAD.
NARITO NAMAN ANG PAHAYAG NI ENGINEER ERNI G. BAGGAO, ISELCO II GENERAL MANAGER.
PANUORIN ANG KANYANG NAGING PAHAYAG:CLICK HERE!
