Davao City – Hugot nga koordinasyon sa komunidad kun pakig-alayon ngadto sa awtoridad ang gikinahanglan aron masolusyonan kun makunhuran man lang ang nagapanghitabong krimen sa nagkadaiyang dapit sa nasud.
Kini ang giingon ni Police Regional Office 11 (PRO-XI) Spokesperson P/Chief Insp. Milgrace Driz diin matud niya nga dako og partisipasyon ang komunidad aron masiguro ang seguridad sa tanan.
“Community has a big part sa public safety, sometimes police is out-numbered sa numbers sa community, we are now on 1 is to 600 so dapat magtinabangay gyud alang sa public safety,” segun sa tigpamaba.
Dugang ni Driz nga gawas sa pag apela sa koordinasyon sa katawhan, gimanduan ni PRO XI director Police Chief Superintendent Manuel Gaerlan ang kapulisan sa rehiyon nga palig-unon ang target hardening, pakusgan ang intelligence monitoring ug kampanya kontra kriminalidad.
Kahinumduman nga sunod-sunod na usab nga miulbo ang mga nagkalain-laing klase sa kriminalidad sama niadtong amahan sa Samal kinsa miunay og patay sa iyang kaugalingong mga anak lakip usab fresh graduate sa kaulohan nga gibuno sa usaka adik ug notadong akyat-bahay.
RadyoMaN Renz Barbarona
