Davao City – Ang sinseridad sa pagserbisyo maoy pinaka-importante sa mga mopapili sa barangay karong Mayo 14 nga piniliay.
Sumala ni Connie Domag, Davao City Drug Abuse Council (CADAC) researcher, wala malambigit sa korapsyon ug desidido nga moserbisyo sa katawhan sa barangay ingon man professional bisan pa man ug dili edukado.
Samtang gusto nga karakter ni Domag sa mamahimong kapitan sa barangay mao ang pagkamapahiubsanon tungod kay dili siya kanunay ang masunod.
Sa pikas bahin, gusto ni Domag nga ang mamahimong SK representative usa ka modelo sa ilang barangay nga walay kalambigitan sa bisan unsang bisyo o dili maayong binuhatan ug respetado ilabina sa mga katigulangan.
Samtang sa hisgutanang political dynasties did-an managan, giingon niya depende apan kinahanglang sutaon kung unsa ba gayud ang ilang tumong ang pagserbisyo o personal nga katuyoan lamang.
RadyoMaN Bernard Pantallon
