Korean national na wanted sa large-scale investment fraud sa South Korea, arestado ng BI

Arestado ng Bureau of Immigration (BI) ang isang South Korean national na wanted sa South Korea sa kasong large-scale fraud.

Ang Koryanong si Jun Hwanhwi, 45 anyos ay naaresto ng immigration authorities sa Sapphire Street, Ortigas Center, Pasig City.

Si Jun ay nakatakdang ipa-deport dahil isa na siyang undesirable alien at ikinukunsiderang banta sa seguridad ng publiko.

Ang naturang Korean national ay inilagay rin sa Interpol Red Notice kasunod ng arrest warrant na inilabas ng Gwangju District Court.