Kalibo, Aklan — Nagparekord sa Kalibo Police Station ro sangka abogado matapos nga madiskubrehan nga ro anang kotse nga Honda City hay uwa eon sa gina parkingan kahapon it agahon.
Ro tag-ana ko nasambit nga kotse hay si Atty. Jerome Padios it Brgy. Old Buswang, Kalibo, Aklan.
Sa blotter report it Kalibo PNP nga ro nasambit nga kotse hay ginpark sa guwa it residenya ko tag reklamo ag napan-uhan eon lang nga uwa eon raya.
Ginapaligban man makaron it tag reklamo kon paano hapaandar ro nasambit nga kotse ay idto man kana rong yabi tag maduea raya.
Ro nasambit nga saeakyan hay automatic, kulay puti ag may temporary nga plate number 060107 16 1189.
Nagpanawagan man makaron rong tag-ana kon sin-o ro may impormasyon o nakakita sa nasambit nga kotse nga ipahisayod lang sa Kalibo PNP o sa pinakamaeapit nga Police Station.
