Davao City – Nasunog ang usa ka Chevrolet nga kotse sa may exit driveway sa usa ka dakong mall sa may Quimpo Boulevard ning syudad ganinang ala-1:00 sa kahaponon.
Ang maong sakyanan nga dunay plaka numero nga LFU 582 gimaneho ni Vincent Florida kuyog iyang uyab nga si Veronica.
Sumala kang FO3 Niño Glorio sa BFP, pagawas na unta gikan sa mall ang maong sakyanan ug dunay kalit nga mitawag sa cellphone ni Florida hinungdan nga gipalong niini ang makina tunga sa parking area.
Sa dihang ginaog na sa driver ang iyang cellphone duna kalit mipaka sa likod nga bahin sa iyang sakyanan ug kalit nga misilaob ang gasolina gumikan duol ang kalayo sa tangke.
Migawas gilayon sa sakyanan ang driver ug ang uyab niini aron mangayo og tabang.
Dali nga miresponde ang kabumberohan apan nasunog na ang tanang mga identification ug registration nga dokumento sa ilang sakyanan ingon man ang interior part sa maong kotse.
Mideklara og fire out ang kabumberohan pasado sa alas dos sa kahaponon.
Sa karong padayong gina imbestigahan sa awtoridad ang hinungdan sa pag ulbo sa kalayo ug ginasuta pa usab ang damyos sa maong sunog.
RadyoMaN Paul Canono
