Kraft: Corpuz rape-slay suspek nakadroga ug nakainom

129

Davao City – Ni-surrender sa kapulisan ang suspek sa Christine Sunga Corpuz rape-slay human sa upat ka bulan nga pagtago-tago.

Gibutyag ni Davao City Police Office City Director Police Col. Kirby John Kraft giangkon sa suspek nga nakadroga ug nakainom kini sa dihang gihimo ang krimen.


“Ang dahilan po ng kanyang pagsuko ay hindi na raw niya po makayanan ang pagbagabag ng kanyang konsensya sa ginawa niyang ito. Nag-undergo po siya ng due process kung saan na-provide-dan po siya ng lawyer of his choice kung saan nag-issue po siya ng extra judicial confession,” matud ni Kraft.

Kasong rape with homicide ang gipasang-at batok sa suspek nga giila sa DCPO nga si Rolly Flores Cabiltes, alias “Buboy”, 39 anyos ug usa parking attendant.

Gikumpirma ni Kraft nga nagtakdo ang nitahan nga suspek ngadto sa cartographic sketch ug kini usab ang nakita sa CCTV sa crime scene.

Gibutyag ni Police Major Bernie Suaga Buhangin Police Station Chief of Police, giangkon sa suspek nga nagkatagbo lang sila sa biktima ug iyaha kining gibira ug gisumbag sa tiyan (kuto-kuto) ug gidala kini sa kasagbutan.



Niadmitar sa suspek ngadto sa kapulisan nga gilugos niya ang biktima ug giparok og bato ang ulo human kini nisyagit ug nangayo’g tabang.

Kahinumduman, niadtong Marso 1 ning tuiga ( Domingo) sa hapon nakit-an ang patay’ng lawas ni Corpuz sa kasagbutan nga bahin sa Ladislawa Village, Brgy. Buhangin Proper, Davao City o 150 meters gikan sa iyang panimalay sa NCCC Village Buhangin.


Subay sa awtopsiya, nigula nga head injury ang hinungdan sa kamatayon ni Corpuz matud sa DCPO.

Gikonsidera ni Kraft nga case solved na kini.

RadyoMaN Aimee Guinita

Facebook Comments