Ibinahagi ni Kris Aquino na nagkaroon siya ng tampo kay Herbert Bautista dahil sa pagtanggi nito na magkaroon ng special participation sa pelikulang “Ampon”, opisyal na entry sa Metro Manila Film Festival sa Disyembre.
Sa kaniyang Instagram post, isinalayasay ni Kris ang naging ugat ng ‘tampuhang’ ito.
Ayon kay Kris, inakala niya papayag ang ‘ex’ na tanggapin ang role dahil sa samahan nilang dalawa bilang magkaibigan.
“In my mind, friends na kami pero totoo naman, sa isip nyo sya ang huli nyong alam na naging “boyfriend” ko. Hindi naman kayo witness sa naging magandang closure namin at hindi nyo alam na we openly share how proud we are about our respective children’s achievements,” ani Kris.
Ngunit nang ibigay na ni Kris ang script kay Herbert ay nagbago ang ihip ng hangin dahil sa negative comments ukol sa kaniya.
Inamin din ng aktres naging insensitibo siya sa kaniyang naging aksyon kung saan may love scene sa script sa mga karakter na ‘Gabby’ na gagampanan ni Herbert at ‘Grace’ [Kris] kaya’t tumanggi ito.
https://www.instagram.com/p/B05nU8LhuSy/
“Nung nag-no siya because he didn’t want to be part of the ‘gulo,’ una na hurt at nagalit ako,” pahayag ni Kris.
Sa huli, ay nilinaw naman ng aktres na hindi siya nawawalan ng pag-asa na mababalik sa dati nilang pagkakaibigan.
“After praying, I understood. Nilagay ko ang sarili ko in his place. Kaya alam ko, I was asking for too much,” aniya.
“We’re not okay now, but hopefully in time we can be friends again,” dagdag niya.
https://www.instagram.com/p/B07GQQyhH0B/
Unang nabuo ang ‘KrisTek’ noong 2014 kung saan ibinahagi ni Kris sa publiko na ‘dating’ sila ng former mayor ng Quezon City. Kinalaunan ay ipinahayag niya ring ‘friends’ na lamang sila.
