Napuno og kilig ug katawa ang studio sa “Wowowin” sa dihang gi-good time ni Willie Revillame si Kris Aquino.
Sa usa ka segment sa iyang show, naa’y usa ka impersonator ni Kris ug gusto kuno niyang makita sa personal ang Queen of All Media.
Gitawagan dayon ni Willie si Kris ug gi-loud speaker kini sa live show. Nalingaw ang mga tao sa dihang gipangutana kini ni Willie mahitungod sa iyahang lovelife.
Matud pa ni Kris nga nabigla siya sa pagtwag ni Willie ug game pud sa pagtubag sa pangutana sa TV Host nga wala siya nagpaligaw sa uban kay gihulat ra niini si Willie kay si Willie ra kuno ang gusto sa mga anak ni Kris para sa kaniya.
Dugang pa ni Kris, matud pa kuno sa iyahang mga anak nga dili na apson ni Willie ang ilahang kwarta tungod kay mas datu pa kini sa ilaha.
Tungod niini, gikilig ug nalingaw ang audience ug nakita nilang adunay chemistry ang duha.
