Gikumpirma sa National Food Authority o NFA sa Lanao del Sur nga wala masinati karon sa probinsiya ug sa dakbayan sa Marawi ang kakulangon o krisis sa bugas.
Kini bisan paman sa mga balita nga adunay kakulangon sa bugas o rice shortage karon sa nasud.
Kamatuoran, miingon si Khayamera Dialem, administrative officer sa NFA-Lanao del Sur Provincial Office nga nahimutang sa Marawi City, aduna pay 10,000 ka sako sa ilang bodega, as of August 24.
Sa sunod nga bulan sa Setyembre, aduna pay dugang nga 10,000 ka sako.
Miingon si Dialem nga bisan niadtong wala pa mahuman ang giyera sa Marawi sa nakalabay’ng tuig, wala masinati ang rice crisis tungod na usab sa mga relief supply gikan sa mga local ug international non- governmentorganizations alang sa mga displaced families sa Marawi City.
Apan bisan paman, padayun ang NFA sa probinsiya sa ilang monitoring aron malikayan ang hoarding o pagtago ng bigas sa mga negosyante ilabina sa ilang mga accredited outlets ug mga retailers.
Sa karon, nagpabilin pa gihapon sa 27.00 ug sa 32.00 pesos ang presyo matag kilo sa ilang bugas sa probinsiya. (Divina M . Suson)
| | Virus-free. www.avast.com |
