Krisis Sa Marawi: Sustained multi-pronged campaign gilusad

90

Davao City – Sustinido karon ang kampanya sa kasundaluhan sa atong nasud aron sa hingpit nga pagbawi sa Marawi City gikan sa kamot sa mga teroristang Maute kinsa padayong naghupot sa pipila ka mga areas sa maong lokalidad.

Sa Q & A segment sa programang RMN Straight to the Point uban ni Kasamang June Duterte, gisugilon ni Armed Forces of the Philippines (AFP) Spokesperson Brig. Gen. Restituto Padilla nga gipaningkamotan gayud sa mga awtoridad nga calibrated ang ilang ‘clearing operations’ ilabi na gumikan sa padayong presensya sa mga inosenteng sibilyan ug mga lungsuranon diha mismo sa war zone.


Agig tubag sa pangutana kun maresolba ba sa armadong kusog ang kaguliyang sa Marawi una pa ang State of the Nation Address (SONA) ni Pres. Rodrigo Duterte karong Hulyo 24, giklaro ni Padilla nga gilikayan nila ang pagdeklara ug target date kanus-a posibleng matapos ang ilang operasyon base sa aktwal nga realidad on the ground.

Sa posibleng nahimutangan karon ni ISIS-Mindanao ‘Emir’ Isnilon Hapilon, gitataw ni Padilla nga hangtud karon padayon pa nilang gi-beripika ang kamatuoran nga kini anaa pa gihapon sa maong vicinidad ug nagtago-tago lamang sa usa sa mga mosque didtong dapita.

Una niini, nigula ang mga independiyenteng taho nga si Hapilon ug mga kakontsaba niini diha nagpalaban sa mga ‘Islamic places of worship’ sama sa mga mosque, madrasah ug uban pa sanglit nahimo nang batasan sa mga tinugyanan sa balaud ang pagrespetar sa maong klase sa mga lugar ug pagtahud sa relihiyon sa mga nanimuyo niini.

Prayoridad usab sa kasundaluhan ang pagsalbar sa mga sibilyan ug paghikutar kanila diha sa nagkadaiyang mga evacuation centers haron mapalig-on ang ilang hinanaling rehabilitasyon ingon man ang pag-rebuild sa dapit sa panggubatan.

Adunay mga report nga ang mga hostages kalakip si Fr. Teresito ‘Chito’ Suganob gihimong mga katabang, tigluto sa ilang pagkaon, tigpanguha ug mga kabtangan, armas ug mga bala samtang ang kababayen-an gikatahong gihimong mga ‘sex slaves’ ug gipangpugos nga maminyo sa mga Maute operatives.

Facebook Comments