Namungigi sa gibitay nga nagkalain-laing mensahe , wish list, ug simpli nga pagtimbaya sa Pasko ang nagbuntaog nga Christmas Tree sa lobby sa DYHP ug I-FM sa Broadcast Center niini nga nahimutang sa Barangay Capitol Site Cebu City.
Ang 12 ka tiil nga Christmas Tree , pasigahon na karong hapon , Disyembre 21 dungan sa ceremonial lighting nga himoon usab sa tanang estasyon sa RMN sa tibook nasud isip proyekto sa network karong Pasko.
Gituyo kini aron ang mga tigpaminaw sa DYHP ug I-FM makatagamtam sa diwa sa Pasko samtang moduaw sila sa estasyon .
Gawas sa mga dayan-dayan sa pula nga Christmas Tree ang mga listeners gitagaan usab ug higayon nga makabitay sa ilang greetings , wishes, ug ubang mensahe sa pasko nga ilang gisuwat sa gagmay nga Christmas card.
Sa gatusan nga nibitay ug mensahe adunay lima nga pillion nga giisip nga labing “unique” og makahuluganon nga Christmas “wish” o mensahe.
Ang mapilian makadawat ug Christmas ham og grocery pack gikan sa DYHP ug I-FM.
Ang proyekto agig pasalamat alang sa mga listeners karong Pasko aron sa ilang pagduaw sa estasyon di sila mouli nga way “selfie” atubangan sa Christmas Tree.
