Roxas City, Capiz- Kritikal ang duha ka mga police personnel matapos nga nalagbong ang ginasakyan sang mga ini nga SUV pasado ala una sang hapon sa boundary sang Adlawan, Roxas City kag Salocon, Panit-an.
Ginkilala ang mga sakay nga amo sanday PO2 Leo Bentazal sang Brgy. Salocon Panit-an kag PO2 Brix Byron Castor sang Calinog, Iloilo.
Suno sa inisyal nga impormasyon ang mga ini ang na-assign bilang airport police sa Roxas City Airport.
Sa interview sang dyVR RMN-Roxas sa imbestigador sang Panit-an PNP nga si PO2 Francisco, ang amo nga mga biktima ang naghalin sa Brigada Eskwela kag padulong na sa Salocon, Panit-an apang sang pag-abot sa amo nga lugar, gulpi lamang nga wala makontrol sang driver nga si PO2 Leo Bentazal ang manibela rason nga ang mga ini ang nahulog sa pil-as.
Ginapatihan nga natagpilokan ang driver rason sang pagkatabo sang insidente.
