Magabukas na ang Evelio B. Javier ukon mas kilala man bilang Antique airport sa probinsya sang Antique sa Disyembre 15.
Suno kay senator Loren Legarda, sa madugay nga panahon nga napabay-an ang airport, luyag niya nga mangin operational na ini gani magahiwat sang inaugural flight ang Philippine Airlines sa Disyembre 15.
Nagapati si Legarda nga ang pagbukas sang Antique airport mas magapasanyog ini sang ila ekonomiya kag mas makilala pa ang Antique sa bilog nga pilipinas.
Antique airport padulong sa Clark international airport sa Pampanga ang mangin ruta sang mga flights kag sa una nga 3 ka bulan sang operasyon 2 ka beses kada semana ang byahe sang eroplano.
Dugang pa ni Legarda, nagserbe inspirasyon sa iya ang pagbulig ni senator Franklin Drilon sa Iloilo gani sundon niya ini sa Antique.
“Sabi ko Frank, gusto ko rin gawin sa Antique ang ginawa mo sa Iloilo kokopyahin ko sa Antique gaya ng Esplanade, gaya ng malalaking kalsada, ang convention center. Sabi ko, oh, kokopyahin ko ang ginawa mo ha para magiging progressive din ang aking probinsya,” ang pahayag ni Senator Loren Legarda sa interview sang RMN Iloilo.
Photo from web/// via PHStar
